Apple xizmatlari butun dunyo bo‘ylab "pasayib ketdi"

Butun dunyo bo‘ylab foydalanuvchilar Apple xizmatlari ishida keng ko‘lamli uzilishlar haqida xabar berishmoqda. Mashhur internet-resurslarning o‘chirilishini kuzatadigan Downdetector sayti ma’lumotlariga ko‘ra, App Store, Apple Support, Apple Pay, Apple Music va iTunes kabi xizmatlar ishlamay qolgan.

Apple xizmatlarida uzilishlar 16 oktyabr kuni taxminan Moskva vaqti bilan soat 17.40 da kuzatildi. Xatoliklardan AQSH (3,5 mingdan ortiq xabar), Rossiya (3 mingdan ortiq), Buyuk Britaniya (1 mingdan ortiq), Kanada, Germaniya va boshqa mamlakatlardan foydalanuvchilar shikoyat qilishdi.

Eng ko‘p nosozlik App Store’ga ta’sir qildi: foydalanuvchilar ilovalarni yuklab olishdagi muammolardan shikoyat qilishmoqda. Bundan tashqari, ba’zi hollarda Apple Pay tranzaksiyalarni amalga oshirmaydi, iTunes esa xarid qilish imkonini bermaydi.