Ilon Mask nima uchun odamlarni chip bilan jihozlash kerakligini aytdi

Ilon Mask Xitoyning Internet-tsenzura agentligi tomonidan chop etiladigan Xitoyning China Cyberspace jurnali uchun maqola yozdi. Matnda u, boshqa narsalar qatori, odamlarni nima uchun chiplash kerakligini aytdi - bu uning Neuralink kompaniyasi tomonidan amalga oshiriladi. Maqola tarjimasini Xitoy davlat agentligi muxbiri Yang Liu Substack’dagi blogida e’lon qildi.

"Neuralink kompyuter va inson miyasini birlashtirish texnologiyalarini ishlab chiqishga, smartfonlar kabi taqiladigan qurilmalarga o'xshash tanga o'lchamdagi miya chiplarini ishlab chiqishga qaratilgan", deb yozadi milliarder.

Tadbirkorning so‘zlariga ko‘ra, Nueralink chiplari foydalanuvchi tanasi bilan chuqur integratsiyalashuvi rejalashtirilgan. "Chiplar miya yarim korteksidagi implantlar yordamida miya faoliyatini qayd qiladi va rag'batlantiradi", deb qo'shimcha qildi Mask.

Shuningdek, u chip nogironlarga yordam berishini eslatib o‘tdi - umurtqa pog‘onasi shikastlangan va asab tizimi kasalliklari bilan og‘rigan odamlarda oyoq-qo‘llarining motor funksiyasini tiklash, shuningdek, falaj bo‘lganlarga kompyuter va smartfonlar bilan ishlashda miyasidan foydalanish imkonini beradi.

Mask uning Tesla, SpaceX va Neuralink kompaniyalarining texnologiyalari birgalikda “insoniyat uchun yaxshiroq kelajakka erishishga yordam beradi” degan xulosaga keldi.