Shveytsariya startapi iOS va Android’ga muqobil tayyorlamoqda. Ammo u pulli bo'ladi

Shveytsariyaning Apostrophy AG startapi smartfonlar uchun foydalanuvchi maxfiyligiga e'tibor qaratuvchi muqobil operatsion tizim yaratdi. U Davosdagi iqtisodiy forumda namoyish etiladi.

Yangi mahsulotni kompaniya asoschisi Petter Nebe taqdim etadi. Operatsion tizimning o'zi AphyOS deb ataladi va GrapheneOS deb nomlangan Android-ning ochiq manbali tuzilishiga asoslangan. Texnik jihatdan Android dasturiy ta'minotini qo'llab-quvvatlash va'da qilingan, ammo o'rnatilgan GMS xizmatlari va Google Play do'koni bo'lmaydi. Dasturlar izolyatsiya rejimida ishlaydi, bu shaxsiy ma'lumotlarni sir saqlaydi. Shu bilan birga, operatsion tizimning o'zi ham pulli bo'ladi, ammo uning narxi qancha bo'lishi hali aniq emas.