Yana ajoyib: Ilon Mask yana Twitterni xuddi shu narxda sotib olishni taklif qilyapti

Milliarder Ilon Mask Twitterni sotib olishga qaror qildi. U kompaniyaga maktub yo‘llab, mikrobloglar tarmog‘ini boshlang‘ich bahosi 44 milliard dollarga sotib olish niyatida ekanligini ma’lum qildi. Bu har bir aksiya uchun 54,2 dollarni tashkil etadi.

Aprel oyida Twitter rahbariyati Mask bilan ijtimoiy tarmoqni sotib olish bo'yicha kelishuvni e'lon qilgan edi. May oyida biznesmen unga botlar va spam-akkauntlarning nisbati haqida ma'lumot berilmagunicha, shartnomani vaqtincha rad etishini aytdi. Ijtimoiy tarmoq ko'rsatkichlarni 5% darajasida baholadi, Mask 20-25% haqida gapirdi. Iyul oyida Mask nihoyat kelishuvdan chiqdi.

Natijada, Twitter ijtimoiy tarmoqni sotib olishga majburlash uchun tadbirkorni sudga berdi. Mask qarshi da'vo bilan chiqdi, ammo tafsilotlar noma'lum. Faqat 164 varaqda topshirilganligi aytiladi. Sentyabr oyida esa Twitter aksiyadorlari kompaniyani Maskga 44 milliard dollarga sotishni ma’qulladilar.

Bundan tashqari, boshqa sabablar ham bor edi. Yoz oxirida Maskning advokatlari ijtimoiy tarmoqni foydalanuvchilar ma'lumotlarini yomon himoya qilishda ayblagan Twitter xavfsizlik bo'limining sobiq rahbari Peiter Zatkoning bayonotiga iqtibos keltirdi. Sentyabr oyida esa Musk kelishuvdan voz kechishga urindi, chunki Uchinchi jahon urushi boshlanishi mumkin.